Cargo e-Bike adlı velosiped, yük daşıma xərclərini azaldacaq

  • 01 Dekabr 2018

Chip.az bildirir ki, Volkswagen, Cargo e-Bike adlı ən kiçik kommersiya velosipedini istehlakçılara təqdim edib. Beləki, elektrik enerjisi ilə işləyən velosipedin, yük daşıma  xərclərini minimuma endirəcəyi bildirilib. Həmçinin, Cargo e-Bike, izdihamlı bölgələrdə yük daşımanı daha da asanlaşdıracaq.

Cargo e-Bike, sürücü ilə birlikdə cəmi 210 kq ağırlıq daşıya bilmə özəlliyinə sahibdir. Tam dolu batareya ilə 100 km yol qət edə bilən cihaz, saatda 25 km sürətlə hərəkət edir. 500 Wh-lik batareyası olan Cargo e-Bike, 501 litr həcmli yük daşıma ölçülərinə  malikdir. Öz ağırlığı 40 kq olan cihaz, qapı kimi dar yerlərdən  də rahatlıqla keçə bilir. 

Yük daşıma velosipedinə, xüsusilə ticarət müəssisələrdə tələbatın olunacağı ehtimal edilir. Eləcədə ərzaq şirkətləri bu kiçik velosiped ilə müştərilərinə qida məhsullarını asanlıqla çatdıra bilərlər. Velosipedin elektrik enerjisi ilə işləməsi daşıma xərclərinin minimuma enməsini təmin edəcək.

2019-ci ildə satışa çıxması gözlənilən velosipedin satış qiyməti hələ açıqlanmayıb.

Baba-zadə Sevinc

© Materiallardan istifadə edərkən hiperlinklə istinad olunmalıdır