Yeni Nokia telefonunu 21 gün enerji yığmadan istifadə edə bilərsiniz

  • 14 Noyabr 2018

Chip.az bildirir ki, 800 mAh batareyaya  sahib Nokia 106, 15.7 saatlıq danışma vaxtı və təxminən 21 gün gözləmə rejimində enerji yığmadan işləyə biləcək.

Telefon , 1.8 düymlük ekrana malikdir və 3,5 mm ölçüsündə  qulaqlığı ilə FM radiosuna qoşulmağa imkan verir.  Əyləncə hissəsində isə əvvəlcədən quraşdırılmış Snake, Nitro Racing, Danger Dash, Tetris və digər oyunlardan mövcuddur. Telefon, yaddaşında  500-ə qədər mesaj saxlaya bilər. Batareyanın altında iki Mini-SIM kart üçün yer də ayrılıb. Lakin, telefonda kart yaddaşı və keyfiyyətli şəkillər çəkməyə imkan verən  kamera  yoxdur. Ölçülər 111.15 x 49.5 x 14.4 mm, çəkisi isə 70.2 qramdır.

Nokia 106, bu ilin noyabr ayından satışa təqdim ediləcək.

© Materiallardan istifadə edərkən hiperlinklə istinad olunmalıdır