Game of Thrones finala hazırlaşır

  • 14 Noyabr 2018

Chip.az bildirir ki, izləyicilərinin həm səbirsizliklə gözlədikləri , həm də bu dəfə məyusluqla qarşılayacaqları son sezon finalının ilk fraqmenti də yayımlanıb. Taxt-tac oyunları serialının sonuncu – səkkizinci mövsümünün nümayişinə 2019-cu ilin aprel ayından başlanacaq.

Fraqmenti bu linkdən izləyə bilərsiniz.

Qeyd edək ki,sözü gedən serial 2011-ci ildən yazıçı Corc Martinin "Buz və alovun mahnısı" romanı əsasında ABŞ-ın HBO telekanalının çəkdiyi "Taxt-tac oyunu" dram serialı dövrün ən baxımlı ekran işlərindən biridir. Taxt-tac üstündə davam edən mübarizə, müharibələr, dostluq, sevgi, xəyanət, əjdahalar və hətta musiqisi tamaşaçıları ekrandan bir an belə olsun  ayrılmağa imkan vermir.

Lakin, izləyicilər heç də məyus olmasınlar çünki, hər il onlarla serial və film istehsal edən Netflix şirkəti bu dəfə tamaşaçılara Qanundan kənar kral (Outlaw King) adlı tarixi film nümayiş etdirəcək. Filmdə Şotlandiya kralı Robert 1-dən söhbət gedəcək. Filmin baş rollarında Kris Payn, Aaron Teylor Conson, Stiven Kri və başqaları çəkiliblər. Rejissorluq kürsüsündə isə Devid Makkenzi əyləşib. Filmin premyerasının noyabr ayının 9-da olacağı gözlənilir.

Baba-zadə Sevinc

© Materiallardan istifadə edərkən hiperlinklə istinad olunmalıdır