Ağıllı dırnaqlar elektron əməliyyatlarınızı asandlaşdıracaq!

  • 13 Noyabr 2018

Chip.az bildirir ki, Jakcom N2-ə məxsus ağıllı dırnaqların hazırda fərqli funksiyalara malik 3 modeli satışa buraxılıb: N2M, N2F, N2L

N2M smart dırnaqları nano texnologiyası ilə hazırlanmış bir mikroçipdir. Bu ağıllı taxma dırnaqlar sizin pul kisənizdəki bütün kartları əvəz edərək, hər birinin ayrı-ayrı funksiyalarını balaca mikroçiptdə birləşdirərək işinizi daha da asandlaşdırır. Məsələn, alış-veriş, hansısa müəssisəyə (xəstəxana, idman zalı) üzvlük üçün olan bütün kartlarınızı əvəz edir.

İkinci nəsil LED N2L ağıllı dırnaq isə avtobus, metro kimi kartların siqnallarını özündə cəmləyir. Bununlada siz parkinq və pul ödənişlərini rahatlıqla həyata keçirə bilərsiniz.  

Sonuncu modeli olan N2F ağıllı dırnaq isə bir növ sizin üçün yaddaş kitabçası rolunu oynayır. Hər cür şəxsi məlumatları ( cədvəllər, hesablar, qeydlər və s.) özündə saxlayır. Belə ki, şəxsi telefonunuza istənilən şifrəni qoya bilərsiniz. Çünki bu balaca çip sizin yeganə kilid açarınız olacaq və məlumatlarınız tamilə təhlükəsiz formada qorunacaq.

Qeyd edək ki, 0.1 mm qalınlığa malik olan ikinci nəsil LED ağıllı dırnaqlar suya davamlı dizayn edilib və bütün materiallar sağlamlığa zərər vurmayan, bədənə hər hansı radiasiya ötürməyən keyfiyyətlərə malikdir.

Baba-zadə Sevinc

© Materiallardan istifadə edərkən hiperlinklə istinad olunmalıdır