Küləyin əsməsini və su damcılarını hiss edən elektron dəri hazırlanıb

  • 12 Oktyabr 2018

Robot texnikası mühəndisləri insan dərisinə bənzər elektron dəri hazırlamaq istəyirlər. Belə hesab edilir ki, gələcəyin robotları tərəfindən mürəkkəb, amma dəqiq hərəkətlərin yerinə yetirilməsi üçün onları hissetmə qabiliyyəti ilə təchiz etmək lazımdır. Çinli alimlər elektron dərinin həssaslığını artırmaq istiqamətində vacib irəliləyişə nail olublar.
 Chip.az “naked-science.ru” resursuna istinadən yazır ki, yeni elektron dəri təzyiqdəki cüzi dəyişiklikləri qeydə almağa və bu informasiyanı impulslara çevirmək qabiliyyətinə malikdir.
 
Alimlər elektron dəri ilə örtülmüş süni barmaq hazırlayıb və onu sınaqdan keçirtmək üçün süni ələ bərkidiblər. Alimlər tərəfindən hazırlanmış yeni elektron dərinin səth üzrə qaçan qarışqalar tərəfindən ona edilən cüzi təzyiqə cavab olaraq impulslar generasiya etdiyi məlum olub.
 

© Materiallardan istifadə edərkən hiperlinklə istinad olunmalıdır