Yeni şrift mətni daha yaxşı yadda saxlamağa kömək edəcək

  • 09 Oktyabr 2018
  • 680

“Sans Forgetica” adlanan şriftə hazırda yalnız latın əlifbası hərfləri və rəqəmlər daxildir. Yeni şrifti universitetin saytında yükləmək mümkündür.
Chip.az “Rambler” resursuna istinadən yazır ki, tərtibatçıların sözlərinə görə, şrift tələbələrə elmi işlər üçün materiallar hazırlamağa kömək məqsədilə yaradılıb. Avstraliya tədqiqatçılar qrupuna həm dizayn üzrə mütəxəssislər, həm də insanın davranışını öyrənən mütəxəssislər daxildir. Onlar birlikdə mətni daha yaxşı yadda saxlamağa imkan verən bir neçə şrift hazırlayıblar. Alimlər tərəfindən texnologiyaların 400 könüllü tələbə üzərində sınağı keçirilib və “Sans Forgetica” digərləri ilə müqayisədə daha yaxşı nəticə nümayiş etdirib.

Məlumata görə, yeni şriftin dizaynı koqnitiv psixologiya konsepsiyasına əsaslanır. Konsepsiya tapşırığı mümkün qədər çətinləşdirir. Belə yanaşma sayəsində beyin yeni informasiyanı daha yaxşı emal etməyə başlayır. “Sans Forgetica” simvolları sol tərəfə doğru əyilib və onların nişanları, eləcə də hər simvolda bəzi hissələr yoxdur. Bu, oxumanı yubadır və insanı hər söz barədə dərindən düşünməyə vadar edir.  

Tərtibatçılar bildirir ki, şrift müxtəlif sahələrdə faydalı ola bilər. Məsələn, tələbələr onu imtahanlara hazırlıq, iş adamları isə görüşlərin cədvəlini yadda saxlamaq üçün istifadə edə bilərlər.

© Materiallardan istifadə edərkən hiperlinklə istinad olunmalıdır

Ümumi xəbər

Ümumdünya Telekommunikasiya və İnformasiya Cəmiyyəti Günü ilə bağlı tədbir keçiriləcək

Chip.az xəbər verir ki, ilk Beynəlxalq Teleqraf  Konvensiyasının (1865) imzalanması və Beynəlxalq Telekommunikasiya İttifaqının (1969) yaranmas

Microsoft tətbiqlərində virus aşkarlandı

Microsoft tətbiqlərinə virus yayılıb.

Samsung yeni kamera sensorunu təqdim edib

Chip.az xəbər verir ki, “Samsung” şirkəti iki yeni kamera sensorunu - 48 meqapiksellik “ISOCELL Bright GM2” və 64 meqapiksellik “ISOCELL Bright GW1

Robotlar predmetləri baxış və toxunuşun köməyilə tanıyacaqlar

Massaçusets Texnologiya İnstitutunun Süni İntellekt Laboratoriyasının tədqiqatçıları “KUKA” adlı avtomatlaşdırılmış əli “GelSight” taktil sensoru ilə təchiz edibl