“KSK” açarının dəyişdirilməsi planı təsdiq edilib

  • 20 Sentyabr 2018

Açarın yenilənməsi oktyabrın 11-də koordinasiya edilmiş ümumdünya vaxtı (UTC) ilə saat 16:00-da (Bakı vaxtı ilə saat 20:00) başlayacaq.  
Chip.az “SecurityLab” resursuna istinadən yazır ki, təşkilat nümayəndələrinin sözlərinə görə, şəbəkə operatorları və ya internet provayderləri açarın dəyişdirilməsinə hazır olmasa, bir sıra istifadəçilər zərər çəkə bilər, lakin hər şey qaydasında olsa, əksər istifadəçilər “DNS” özək zonasına çıxış imkanı ilə təmin ediləcək.  

Qeyd olunur ki, domen adları və ya “DNSSEC” informasiyasının təhlükəsizlik sisteminin genişləndirilməsinin yoxlanışını işə salan operatorlar açarın dəyişdirilməsinə hazır olmalarını yoxlamalıdırlar.

Təşkilat nümayəndələri hesab edir ki, açarın dəyişdirilməsi mənfi nəticələrə səbəb olmayacaq. “ICANN” vitse-prezidenti Mett Larsonun sözlərinə görə, təşkilat hər şeyin maksimum yaxşı keçməsi üçün əlindən gələni edir. O əlavə edib ki, oxşar prosedurlar gələcəkdə də həyata keçiriləcək.

“DNSSEC” – “DNS” informasiyasına qəsdən edilməyən və ya qəsdən edilən dəyişikliklərin olmamasının təsdiqi üçün istifadə edilən təhlükəsizlik protokollar dəstidir.

© Materiallardan istifadə edərkən hiperlinklə istinad olunmalıdır