Apple şirkəti bu ilki iPhone modellərinin təqdimat tarixini açıqladı

  • 31 Avqust 2018

CHİP.AZ Tecnote saytına istinadən xəbər verir ki, iPhone modellərinin təqdimatı 12 Sentyabr tarixində Apple Park kampusunun Steve Jobsadına teatrında baş tutacaq. Adətən şirkət öz Sentyabr təqdimatını Çərşənbə axşamı keçirdir. Lakin bu il Çərşənbə axşamı məhz 11 Sentyabr tarixi ilə üst-üstə düşür. Belə ki, 2001-ci ildə baş vermiş 11 Sentyabr terror hadisəsi səbəbilə şirkət təqdimatı bir gün sonraya təxirə salmalı olub. Şirkətin saytında təqdimata rəsmi dəvətnamə də yerləşdirilib. Dəvətnamədə isə qızılı rəngdə üzük şəkli əks olunub. Bəlkə də bu, yeni iPhone modellərinin qızılı rəngdə olacaqlarına bir işarədir. Artıq çoxdan bəri məlumatlar gəzir ki, şirkət bu il 3 ədəd yeni iPhone modelini təqdim edəcək. Bu məlumatı həmçinin bir çox nüfuzlu analitiklər də təsdiqləyiblər.

© Materiallardan istifadə edərkən hiperlinklə istinad olunmalıdır