W5000-in ilk uçuşu: Çində yük dronu sınaqdan keçirildi

Tahirə Nəcəfova 17.11.2026 1 dəqiqə 91
W5000-in ilk uçuşu: Çində yük dronu sınaqdan keçirildi

Çin yük dronu sahəsində irəliləyiş əldə edir. Çinin "Air White Whale" şirkəti tammiqyaslı pilotsuz yük təyyarəsi "W5000" ilə ilk uçuş sınaqlarını uğurla həyata keçirib. "Ulysmédia.kz" saytının məlumatına görə, təyyarədə pilot kabinəsinin olmaması onun istismarını daha sərfəli edir.

Sınaq uçuşu  
Sınaq uçuşu 14 noyabr 2026-cı ildə Daxili Monqolustanda baş tutdu və təxminən 30 dəqiqə davam etdi. PUA-nın havaya qalxması üçün 600 metrlik uçuş-enmə zolağı tələb olundu. Uçuş aparatı uğurla yüksəliş, bir sıra döngələr və eniş həyata keçirdi; bu da onun mühərriklərinin, avionikasının və yerüstü idarəetmə sistemlərinin əlaqəli şəkildə işlədiyini təsdiqlədi.  
Texniki xüsusiyyətlər  
W5000 modeli regional və regionlararası daşımalar, o cümlədən tez xarab olan malların, eləcə də təcili yardım və xilasetmə ləvazimatlarının çatdırılması üçün nəzərdə tutulub. Modelin əsas parametrləri bunlardır: Faydalı yük tutumu — 5 tona qədər (maksimum qalxma çəkisi — 10,8 ton).  
Yük bölməsinin həcmi — 65 m³-dən çox (standart konteynerlər və paletlər üçün uyğundur).  
Uçuş məsafəsi — 2600 km-ə qədər.  
Ölçüləri — uzunluğu 22,9 m, qanad genişliyi 22,7 m.