Garmin 18 gün enerji saxlayan MARQ 3 premium saatlarını təqdim edib

Garmin şirkəti 18 günə qədər enerji saxlaya bilən, altı modeldən ibarət MARQ 3 premium smart saatlar seriyasını təqdim edib. Yeni modellərin qiyməti 2500 dollardan başlayır.

Cihazlarda dünya xəritələri, peyk rabitəsi dəstəyi, mikrofon, dinamik və LED fənər mövcuddur. Sağlamlıq funksiyaları stress səviyyəsini, qanda oksigenin miqdarını və ürək ritminin dəyişkənliyini izləməyə imkan verir. İstehsalçı saatların smart rejimdə 18 günə qədər işlədiyini bildirir.

Modellər təyinatına görə fərqlənir. Adventurer kompas və dəri qayışla, Athlete idman göstəriciləri ilə, Aviator isə uçuş xəritələri və hava məlumatları ilə seçilir. Commander xüsusi vaxt göstəricilərinə, Diver 40 metrədək dalış imkanlarına, Golfer isə 43 mindən çox qolf sahəsinin xəritəsinə malikdir.

Qiymətlər Athlete modeli üçün 2500 dollardan başlayır. Adventurer 2700, Golfer 2800, digər üç model isə 3100 dollara satışa çıxarılacaq.